Сөббух Рәфыйков исемендәге Үзәк китапханәнең татар бүлегендә төрле елларда Республикабызда басылып чыккан басмалар саклана. Татарстан вакытлы матбугатын укырга теләүчеләр өчен бу залда бөтен мөмкинлекләр булдырылган. Монда килеп теләсә кайсы журнал һәм газетаны кулга алып танышырга мөмкин. Республикабызда чыга торган газета-журналларның саны елдан-ел арта бара. Алар күбесе төсле, полиграфик яктан югары сыйфатлы итеп басылган. Шулай ук биредә районыбызда нәшер ителүче “Зәй офыклары” газетасы белән дә танышырга мөмкин.
