21 нче февраль һәр милләт, һәр халык өчен бәйрәм көн – Халыкара туган тел көне. Бу көн 2000 нче елда ЮНЕСКО карары нигезендә билгеләп үтелә башлады.Шул уңайдан, “Р.Ш.Фәрдиев исемендәге татар гимназиясе”нең 5, 6 нчы сыйныф укучылары “Без фольклор укыйбыз” халыкара акциясенә кушылды. Шәһәребезнең С.Рәфыйков исемендәге Үзәк китапханә хезмәткәрләре укучыларны фольклор төшенчәсе белән таныштырды. Әлеге кичәдә татар халкының телдән – телгә, буыннан – буынга күчеп безнең көнгә кадәр килеп җиткән иҗат әсәрләре – риваятьләр һәм легендалар, мәкаль һәм әйтемнәр, табышмаклар, халык җырлары турында сөйләштеләр, бәет һәм мөнәҗәтләр тыңладылар. Чарага китап күргәзмәсе оештырылган иде.
Һәр халыкның туган теле – аның мәдәнияте, тарихи көзгесе. Шуңа да телебез сафлыгы, матурлыгы, аһәңлелеге өчен барыбызга да армый-талмый көрәшергә, эшләргә кирәк.
![](http://zaibib.ru/wp-content/uploads/2020/02/20200220_100221-1024x665.jpg)
![](http://zaibib.ru/wp-content/uploads/2020/02/20200220_100508-1024x768.jpg)
![](http://zaibib.ru/wp-content/uploads/2020/02/20200220_101214-1024x715.jpg)
![](http://zaibib.ru/wp-content/uploads/2020/02/20200220_101913-1024x796.jpg)
![](http://zaibib.ru/wp-content/uploads/2020/02/20200220_103040-1024x712.jpg)