Халыкара туган тел көне уңаеннан 19 февральдә Үзәк балалар китапханәсендә “Татар теле- дуслык теле” исемле кичә узды. Китапханәдә кунакта 6 нчы мәктәпнең 6Г сыйныфы укучылары булды. Бу көннең килеп чыгу тарихы, татар теленең бөтендөнья халыкара аралашу теле булуы турында тыңладылар. Укучылар табышмаклар, мәкальләр, сынамышлар, әкиятләр, тизәйткечләр буенча викторина- уенда катнаштылар, Муса Җәлил шигырьләрен яттан сөйләделәр, “И туган тел, и матур тел” җырын башкардылар.
